Iha loron-28 fulan-Marsu tinan-2024, ekipa Anti-Doping Timor-Leste, ne’ebé oras ne’e hala’o vizita estudu iha Malazia, partisipa iha webinar importante ida-ne’ebé organiza husi Ajensia Anti-Doping Mundial (WADA). Webinar, ho títulu “Efetivu Komunikasaun – Apoiu Desportu Moos”, hodi ko’alia liu kona-ba papél importante komunikasaun nian iha kombate hasoru doping.
Iha sesaun ne’e orador sira, inklui Sr. Tim Gavel, Asesor Komunikasaun Sosial husi Sport Integrity Australia; Mr. Xie Li, Vise-Diretor Departamentu Edukasaun iha CHINADA; no Mr. James Fitzgerald, Xefe Relasaun Komunikasaun Sosial no Komunikasaun iha WADA. Ho audensia alvu ne’ebé inklui Organizasaun Anti-Doping hotu-hotu, webinar serve hanesan plataforma ida atu fahe informasaun, prátika di’ak sira, no estratéjia komunikasaun inovativu sira atu apoia integridade desportu nian iha nivel global.
Partisipasaun ativu husi ekipa Anti-Doping Timor-Leste nian iha webinar ne’e hatudu sira-nia dedikasaun atu nafatin la’o tuir dezenvolvimentu foun sira iha area anti-doping no sira-nia kompromisu atu promove kompetisaun ne’ebé moos no justu iha desportu. Partisipasaun iha eventu sira hanesan ne’e, ekipa hatudu approach proativu ida atu hala’o komunikasaun ne’ebé efetivu hanesan instrumentu potensiál ida iha luta hasoru doping.
#TL-CSA#Kerry Galhós-Putra Jaya, Dwi Putra Residence A2-14-08, Malaysia.